祖高域喺溫網因手踭有傷而被迫退賽，更傳出有機會提早收「咧」嘅消息。不過，祖高域嘅醫生米連高域周一爆料，話呢位30歲塞爾維亞網球手預計要養傷6至12周，大有機會缺席下月28日展開嘅美網，而祖高域近日已啟程到多倫多睇專科。

至於喺溫網因臀部有傷而退賽嘅英國一哥梅禮，周一就喺ig上載自己操練嘅片段，似乎想爭取喺今年最後一項大滿貫美網復出。