韓國元祖偶像男團水晶男孩嘅38歲主唱姜成勳近日是非不斷，唔止被台灣粉絲見面會嘅主辦單位起訴毀約，更爆出佢同粉絲團嘅負責人A某嘅緋聞。姜成勳前日更被爆涉私闖前經理人寓所，而令警方出動兩次作出調查(相關新聞連結： https://bit.ly/2xWEEL0 )。

姜成勳早前宣佈因個人問題而缺席下月13、14號舉行嘅演唱會，導致水晶男孩餘下4位成員要重新練習演唱會嘅走位、歌曲安排。對於姜成勳嘅是非，水晶男孩嘅相關人士向韓媒《OSEN》透露，水晶男孩所屬嘅YG事務所嘅老闆楊賢碩亦唔會再將問題視而不見，將會喺下月演唱會結束後進行重整，但會點重整、未來組合會以咩形式進行，一切仍未落實。報道則推測水晶男孩或會效法YG另一男團WINNER，與姜成勳解約，餘下4子就繼續以「水晶男孩」嘅名義活動。

精選韓流，喺晒《娛果》
http://fb.com/appledailyent