【本報訊】政府硬推銷售稅，財政司司長唐英年首當其衝，民望急挫，特區最高領導特首曾蔭權卻能獨善其身，民望持續高企，自由黨主席田北俊昨高調為前黨友唐英年吐寃鬱氣，指曾蔭權至今未就銷售稅表態，熱衷程度可見一斑，並諷刺指「邊個顧住自己民望，都唔出嚟講（銷售稅）啦」，他力促曾蔭權從速表態，暗示曾不能再做隱形人。
全城怒斥銷售稅之際，唐英年繼續賣力推銷，相反曾蔭權卻處處避談此敏感問題，頻以尚在諮詢階段為由拒絕表態。田北俊昨與記者茶敍，被問及此問題時不平則鳴，指截至目前為止，「特首從來都冇出嚟講過說話，佢嘅熱衷程度大家都可以睇到。」

「入晒唐英年數」

他憤憤不平地說，「推銷到𠵱家，除咗Henry（唐英年洋名）外，冇人（民望）跌喎，市民根本將呢件事入晒Henry數，冇入政府數，更加冇入曾蔭權數」，其後又不點名指「邊個顧住自己民望，都唔出嚟講啦」，暗批曾蔭權為民望置身事外。
坊間盛傳曾蔭權勢將在成功連任時，宣布撤回銷售稅奪取民心，田北俊對此不予置評，但承認「如果（曾）到時出嚟講話唔做，對佢參選係有利。」問及自由黨反銷售稅，會否為唐英年撤回銷售稅鋪了下台階，田笑稱：「最弊出嚟話唔搞嘅人唔係佢（唐）呢！」
政府消息人士承認，當局早前推銷銷售稅時策略不當，今後會改變策略，尤其會重點安撫最受影響的低下階層，但不會貿然撤銷諮詢，免對政府威信造成打擊。對於有指唐英年會到區議會推銷，消息人士指機會不大，因為着重民生的區議員必會反對，「咁樣等同政治自殺，提早玩完。」