巴塞隆拿憑住蘇亞雷斯一箭定江山，喺西甲新球季第一場比賽作客以1:0小勝畢爾包，報咗早前喺西超盃一敗之仇。球隊喺新球季旗開得勝，球員就當然風騷啦，好似贏波功臣蘇亞雷斯，就喺個人社交網頁上載咗同隊友拿傑迪錫喺回程火車上面嘅合照，仲留言話︰「真係好，開季就贏到聯賽好重要嘅3分！去吧巴塞！」恩尼斯達亦上載咗喺火車上豎起拇指影嘅相，話好高興開季就贏波，希望受傷嘅隊友丹尼爾同布斯基斯冇事，非常有心。