【前夫劉永再離婚】黎燕珊保護仔女唔想理：講乜都會傷害人
蘋果日報 2020/03/12 16:32
離婚黎燕珊劉永
黎燕珊（珊姐）、葉家寶與蔡國威等，今天到牛頭角為影音使團創世電視義務派發1,000個口罩，珊姐指家中的防疫物資足夠，之前外傭放假回家後嘔吐，令她非常憂心，幸不是感染武漢肺炎，但卻嚇餐飽：「個工人放完假一入門口就嘔，我從未試過咁擔憂，冇同佢睇急症，但係都有睇醫生，個醫生都驚，原來佢食錯嘢，而家到我照顧返佢，假日都係留喺屋企休息，不過隔籬鄰舍都有人要隔離，都會擔心。」
昨日有空姐確診，珊姐囡囡任職空姐，問到可有擔心？她說：「佢而家no pay leave，之前佢諗住幫吓公司，自己提出放兩個月假，呢個係恩典，因為嗰陣時仲未咁嚴重，如果係而家都好擔心有事。」珊姐前夫劉永日前接受電台訪問時，提到已和妻子分開，並由他獨力照顧兩子，問珊姐可有跟前夫聯絡？珊姐說：「唔回應喇，做單親媽媽嘅，要保護番自己仔女，講乜都會傷害到人，要向前看，唔關我事。」
另外，蔡國威左眼包上紗布，原來他早前在家換燈膽後細菌入眼：「換完燈膽後都冇事，但係一瞓醒隻眼就腫晒，都擔心啲菌會入眼㗎嘛，睇咗醫生好彩冇事，而家做住獨眼威先。」
採訪、攝影：羅慧敏
（攝影：羅慧敏、網上圖片）
葉家寶（左一）、黎燕珊（左二）及蔡國威（右一），今日到牛頭角派發口罩。
對於前夫劉永再離婚，黎燕珊坦言唔關自己事。
蔡國威早前在家換燈膽後，搞到細菌入眼。