瑞聲科技（2018）近幾年食住幾個智能手機大客仔，業務快速增長，股價仲膨膨聲咁升上嚟，開業績會嘅地方由亦皇后大道中細細間，坐得5、6個人嘅公司房仔，愈搬愈大。嚿年做咗新晉藍籌之後，噚日業績會就揀咗係置地文華酒店到開，認真架勢啦。

咁多年嚟除左噚年畀人狙擊之外，主要都由董事總經理莫祖權見記者，跟得呢間公司耐，都知莫生向來都好有性格，噚日記者會上佢就做咗一件震驚香港同內地記者嘅事！一直都係講廣東話嘅佢「轉Channel」用普通到再唔普通嘅著通答問題，有如明星古天樂上，考起一眾記者隻耳仔。

唔知莫生係咪覺得用廣東話答咗咁多年冇新意，要挑戰一下，但在場一眾記者就覺得真正被挑戰嘅係自己啦。華華每聽到佢講結「構」件都覺得好好笑，十足十當年蔡育瑜大哥講嘅「足金金猴」。

正當華華為到之後一班分析員擔心時，先知原來佢到時佢會用返英文，查實就連佢身邊同事都忍唔住笑，不如叫返莫下次都係講返廣東話啦。