當年今日
關於我們

【縱情毒品性愛】高島禮子丈夫啪藥爆房情婦真身曝光

蘋果日報 2016/06/29 06:00

日本吸毒高島禮子高知東生五十川敦子

日本著名女星高島禮子嘅前藝人丈夫高知東生,日前喺橫濱時鐘酒店啪藥爆房被捕,當時房內仲有一個33歲女子,二人同因藏有大麻及迷幻藥而被警方以藏毒罪名檢控。

高知東生呢個情婦五十川敦子現時任職歡場,被捕時二人赤裸喺床上,佢哋承認吸毒,日前被移送到警視廳灣岸警署拘留,有逾100名傳媒包圍採訪。高知情婦其實曾經都係圈中人,擔任過車模工作,雙方於10年前認識,兩、三年前開始發生頻密嘅肉體關係,有指二人沉迷毒品與性愛。

高知東生同高島禮子一向表現恩愛,對於男方突然爆出婚外情兼吸毒,外界都感到意外。而丈夫高知東生被捕時,高島禮子正喺京都拍攝一部以警察為題材嘅新劇,佢都係拍完先知道丈夫被捕,令佢大受打擊。近日仍有不少傳媒到拍攝現場守候等高島禮子現身。