老千界小強｜黃皓恆近月遭連環追擊 警指屬金錢糾紛放生
蘋果日報 2020/09/28 16:18
老千界小強黃皓恆抗疫基金WeUnity租車騙局
7月底，黃皓恆被華Dee引出來，在眾多苦主包圍下承諾退錢，但沒有兌現承諾，華Dee再設局，這次黃依時赴約時，發現上當後企圖逃走。網上圖片
「其實佢玩緊法律罅，令到差佬有機會唔做（告）佢，好似口罩咁樣，或者呢單咁樣，你逼到佢埋嚟，佢就會找（畀錢）啲，好似口罩初時咁，佢都搵住5萬蚊出嚟先，但其實佢可能呃咗成百萬。」今年7月初向黃皓恆租Tesla，但遭黃以各種藉口強行沒收按金的華Dee，最近連環狙擊黃皓恆，曾經設局約黃外出見面並報警，但警方指是金錢糾紛，將黃放行。
記者：林熊
為追回被無理沒收的按金，華Dee幾經艱辛，終聯絡到多名苦主，並設局引黃皓恆出來。「對唔住，我黃皓恆願意賠償畀鄺生一萬蚊交通損失，退回按金同租金2萬蚊。」7月底，黃皓恆終於被引出來，他在眾多苦主包圍下承諾稍後退錢，但眾苦主等了10多日，仍收不到退款。
華Dee於是再設局引黃出來，這次黃依時赴約時，發現上當後企圖逃走，但被各苦主合力制服，其間有人用膝壓黃頸部及報警，直至警員到場。惟警方經調查認為是金錢糾紛，建議各事主循小額錢債追討。
與黃多番交手的華Dee表示，黃一直在鑽法律罅，今年4月預訂口罩事件為例，苦主追上門時，黃會以幾萬元來打發苦主，其實他已騙了百多萬元。當警方追查時，黃用來行騙的公司可能已轉名或推卸責任到其他人身上，華Dee補充稱：「就算差人拉佢，佢親口同我講，我轉過幾個擔保就無事啦，仲好招積咁。」
對於今次用抗疫基金的名堂，華Dee認為黃每次設局都緊貼時事：「依家呢個抗疫基金，佢都係收手續費，名正言順，但有冇驗無人知，佢用網絡集腋成裘，分分鐘搵到一、二千人，每人收2、3百蚊，都可以搵幾十萬。」
「佢係會一路諗計，諗啲橋出來，點樣去呃人、呃錢。」對於黃次次得手，華Dee相信大部份苦主因怕麻煩不去追討，亦有人怕事，華Dee只好把「狙擊」黃的片段放上網，警惕他人。
華Dee今年7月初向黃皓恆租Tesla，曾經設局約黃外出見面並報警。網上圖片
黃皓恆在租車騙局中以智昇國際集團名義與客人簽署合約，而在是次WeUnity掠水局中，亦以同一公司招聘員工。周子惇攝
華Dee認為黃皓恆每次設局都緊貼時事：「依家呢個抗疫基金，佢都係收手續費，名正言順，分分鐘搵到一、二千人，每人收2、3百蚊，都可以搵幾十萬。」林熊攝
-----------------------------
你敢爆，我敢獎！ 立即WhatsApp 《蘋果》24小時爆相爆片熱線 或致電：63836568
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！