《蠟筆小新》嘅日本動畫版配音員矢島晶子，今日突然宣佈「辭職」，決定今後唔再聲演野原新之助，結束超過26年零3個月嘅重任，由於矢島晶子為「小新」演繹得相當傳神，多年來為觀眾帶來不少歡樂，今次消息實在令廣大觀眾感到可惜。

51歲嘅矢島晶子從92年4月13日起擔任「小新」嘅配音工作，矢島自言終於要離開「野原家」，透露對自己維持「小新」聲線逐漸感到困難，擔心難再自然地表現出角色，因而提出請辭，其最後聲演一集會在本月29日在當地播出。

負責播出《蠟筆小新》嘅朝日電視台已發聲明答謝矢島多年來為「小新」給予生命，目前要另覓配音員聲演「小新」，7月起將會全面換聲，唔少日本fans均在網上大嘆不捨。

精選娛聞，喺晒《娛果》
http://fb.com/appledailyent