蘇保羅今季成績大倒退，皆因馬房兵力青黃不接，但廐內V布及A布新馬近期開始交出進步的表現，成績將會進入收成期。今戰蘇保羅擺出強陣，其中四駒交由好拍檔潘頓操刀，第五場「友誼之星」上仗同程跑第二，原庄人馬再搏過，贏面甚高。

第五場四班1200米，「友誼之星」自購馬今季初出已在三班同程入Q，質素至少值三班頂。之後增程跑中距離，表現未再進，皆因韁口未收斂，前段難以穩定走勢，問題一如廐侶「金地飛客」。上仗縮程跑番短途再次入Q，前段步速較快啱發揮。今次排3位轉佳，預期出閘後可貼內欄守好位，直路望空鬥後勁，同場四班對手勢難招架，勝望彌高。

同場「仁仁友福」今季減掉23分，前仗跑同程蝕位嚴重下只輸三馬位，上仗泥地短途走外叠亦追得勁，證明評分減過龍，今場2檔形勢轉佳，有權爭勝。「暴風俠」曾於同程後上入圍，跑贏其後獲兩Win的「多多勁驥」，表現相當出色，近兩仗跑1400米唔夠氣，跑番1200米表現會好。「魅力之子」季尾狀態回勇，尚可兼顧。