梁朝偉和張曼玉日前公開拖手出席活動，令二人緋聞再成焦點。偉仔的女友劉嘉玲前晚忽然「曼玉上身」，穿上曼玉親自設計以及曾搶閘穿着的服飾，偕友到灣仔歎日本料理，但嘉玲心情麻麻，似乎滿懷心事。

梁朝偉和緋聞女友張曼玉（Maggie）日前牽手出席影視娛樂博覽，這對緋聞男女頓成當晚焦點，其後Maggie和法籍男友往淺水灣酒店撐枱腳，心情大好兼笑容滿臉。然而有報道指劉嘉玲為偉仔和Maggie拖手一事不高興，前晚嘉玲則撇下偉仔偕友到灣仔用膳。
前晚七時多，嘉玲由司機接載往灣仔的大亞味工房，會合早已在場等候的朋友歎日本料理，但木無表情的嘉玲竟湊巧地穿上Maggie早前曾穿過的服裝，驟眼看儼如曼玉上身。

心事重重
三十九歲的嘉玲穿上整套由Maggie親自設計的izzue春季FolkloreChic系列新裝，身穿金線刺繡連帽開胸外套、黑色雪紡裙和銀色皮帶兼配上長靴。這身打扮跟Maggie於二月初在北京出席T恤設計比賽時的打扮一模一樣，四十歲的Maggie當時透露身上的服飾不超過一千五百元，又表示自己着重塑造個人特色來遮掩缺點。
而嘉玲前晚挽着一個Prada紙袋步進食肆，直至十時多才與大班友人結伴離開，但飯後的嘉玲依然未現歡顏，表現得滿懷心事。
採訪、攝影：娛樂突發組