問責局長繼續排隊落區，有比卡超外號嘅保安局局長李家超今日晏晝就落咗九龍城，先喺九龍城區民政事務專員郭偉勳陪同下出席九龍城區撲滅罪行委員會會議，聽取委員討論區內治安情況同地區抗毒工作，其後探訪循道衛理楊震社會服務處九龍城區青少年外展社會服務中心，期間同接受服務嘅青少年交談，勉勵佢哋要抗拒誘惑及建立健康人生，一度駐足細看中心人員以假髮「飾」髮。

呢間中心有乜特別？原來中心喺區內提供青少年外展同深宵青少年服務，喺社區同學校中識別有濫藥危機、已染上濫藥習慣或援交嘅青少年，透過各項服務同教育計劃協助佢哋擺脫藥物及援交，重新展開正常生活。

而到訪區議會，則喺官員落區例牌菜，李家超都同當區區議員討論多項民生議題，了解地區情況及未來發展。