34歲「宅男女神」李佳芯憑喺《踩過界》演性格開放嘅法官，樣靚身材好，點知呢位女神已經被私有，就係同「野獸」男友ViuTV主持陳炳銓，聽講佢哋拍拖以嚟，有高層施壓，佢哋轉地下情之後，最近由村屋搬去清水灣半島同居，因為私隱度高好多，今日有周刊指，唔使開工嗰陣，佢哋就一齊去買廚具、零食同飲品，睇廚房用品時，李佳芯好認真睇，又會同男友一齊傾太貴買唔買，未知係唔係平時係李佳芯煮嘢食多？

據知情者指李佳芯感情好認真，以結婚為前提，而陳炳銓就接受周刊訪問，講同李佳芯相處舒服，平時都係傾閒偈、睇吓戲，李佳芯平時做戲，主修舞台製作嘅陳炳銓都會俾啲意見，即係話俾佢知，用另一個方法演會點，佢又指自己唔介意網上批評，認為係份人夠真，有話直說，先同到女神一齊，佢亦自問唔靚仔、冇錢，都係得呢個優點吸引李佳芯。