范振鋒（阿范）去年8月離巢無綫後遇上疫情，令他痛失七位數字酬勞，連監製的電影《大Project》映期都一拖再拖，幸得太太李思欣互相扶持。早前二人齊齊到海味舖買花膠、鮑魚，實行化悲憤為食慾，在新春與家人大快朵頤。送鼠迎牛，阿范坦言去年是最難忘的一年︰「全部都係痛苦回憶，冇咗九成工作，不過都成日同自己講要感恩，起碼仲有工開，用呢個信念令自己開心啲。」

去年疫情開始，雖然多了時間享受二人世界，但拍拖節目卻少了，思欣表示︰「以前我哋會成睇戲、按摩同出街食飯，但𠵱家拍拖活動就只能喺屋企，最多駕車去遊吓車河，苦中作樂。」阿范透露早前與老婆駕露營車很新鮮︰「面對大片草地，喺車外燒嘢食，都幾正！」思欣覺得夫妻相處尊重及信任很重要︰「做女人唔可以話要求老公成日遷就自己，生活小事佢多數遷就我，但大事上我都係畀佢決定，咁樣互相遷就先平衡。」阿范坦言身為男人應該要就女人︰「冇理由成日同老婆拗，見佢唔開心準備發脾氣，我會自動收火。可能結婚太耐，有啲嘢佢都化，以前有朋友打電話叫我出去佢會唔開心，但有一日發現，咦！佢冇嬲噃。」

場地提供：俊成海味、如心艾朗酒店