曾拍《山狗》、《上海灘十三太保》等電影的資深電影演員陳星，今年9月4日在印尼耶加達離世，享年81歲。跟他同期出道的姜大衛今日接獲陳星離世消息深感愕然和難過，姜大衛說：「我唔知呢個消息，同佢好多年冇聯絡，佢曾經去過台灣發展，退咗休好耐。不過以前我哋好friend好老友，佢好玩得，又大隻又打得，聽到呢個消息都好突然好可惜，其實我哋呢個年紀，聽到乜人走都會唔捨得，心入邊覺得唔舒服。」

邵氏出身的邵音音今日才從傳媒口中得知陳星離世的消息，她今日回覆《蘋果》說:「佢喺台灣走咗兩個月今日至知，同佢好熟好熟，大家邵氏人，不過少聯絡。佢好好先生成日都笑笑口，個樣兇神惡煞係拍戲做出嚟啫，佢非常好人，成日都笑。記得佢同羅烈一樣都係印尼華僑。」