名模周汶錡（Kathy）去年工作密麻麻，今年她除了希望可以完成現時手頭上的廣告合約外，亦想有更大的發展，而Kathy還有一個特別的心願，她說：「其實我一直好希望出一本以飲食為主嘅書，因為我比較為食，有時出trip或者同朋友聚會，都有機會一試特色嘅美食，我希望同更多人分享，可惜我工作太忙，根本冇時間做到。」

旅遊充電
此外，經常保持最佳狀態是Kathy工作的一部份，而懂得享受生活及欣賞自己的工作，正是Kathy保持良好狀態的最佳方法，她說：「每次我都會以開心嘅態度面對工作，做模特兒帶畀我好大嘅滿足感，如果有好多錢但做得唔開心，我都唔會考慮。現階段嘅生活我好滿意，一有時間就到外地充電，我最鍾意去泰國玩。」