公屋樂富橫頭磡邨部份單位受白蟻問題困擾，住戶向房屋署投訴三年，至今仍未獲安排徹底清理，居民斥房署漠視居民投訴。

面對全屋被白蟻蛀蝕至千蒼百孔的住戶李先生甚感無奈，「投訴幾年都唔理，淨係派人上嚟影相，叫人點住落去。」

天花批盪亦被蛀食
李先生居於橫頭磡邨宏耀樓一單位，他說，三年前開始發現有白蟻，情況愈來愈嚴重，其廁所木門已經被白蟻蛀蝕了一大截，天花批盪也被蛀食至剝落。
李先生稱，橫頭磡邨本為房署管理，「三年前我哋已經同辦事處投訴，佢哋派人上嚟睇吓就算，完全冇跟進。」
今年四月，屋邨外判私人公司管理後，每次向管理處投訴，就會安排管理員上門，「又係上嚟影相，轉頭就乜都冇做，再投訴就話等埋其他住戶一齊做，始終落實唔到幾時至有人嚟滅蟲。」李先生說，他只好自行噴殺蟲水滅蟻，「連管理員都話噴殺蟲水冇用，但又唔做嘢，真係好無助。」
他說，屋邨內其他單位都有相同情況，可見出現白蟻並非單一事件，但房屋署及管理處卻置若罔聞，並未正視，「好多街坊都話想搬」。

管理處接八宗投訴
橫頭磡邨管理公司新昌物業管理經理傅先生表示，接獲李先生的投訴後，已派員了解，證實有白蟻，但情況不算嚴重，但亦已安排滅蟻公司進行滅蟻工作。
管理公司於四月一日接手後，迄今共接獲八個住戶投訴單位有白蟻，均即時安排滅蟻公司滅蟻，該邨共有逾五千九百戶，故白蟻問題「唔算嚴重」。
區議員黎榮浩表示，其辦事處過去亦曾收過橫頭磡邨個別住戶投訴白蟻問題，部份是因向房署求助後仍未獲解決，而轉向其投訴。