英國皇室一家都幾受歡迎，所以有人就諗到新商機，搵一啲同皇室成員外表好似嘅平民出席活動、影相，成日見到嘅有A貨威廉王子（PrinceWilliam）、劍橋公爵夫人凱蒂（KateMiddleton）及英女皇等等，可以話係幾可亂真。

日前英國皇儲查理斯王子（PrinceCharles）遭美國雜誌《TheGlobe》「爆料」，指影到佢同一個年輕男子喺街頭咀嘴，因而指查理斯係同性戀。雖然相中男子背影同查理斯係幾似，不過就見唔到正面。報道仲話英女皇好嬲，要將皇位傳俾威廉王子都唔俾查理斯。

唔少網民當呢單新聞係一則笑話咁睇，因為《TheGlobe》成日放流料，四年前更寫過英女皇病危，可信性甚低。相中嘅「查理斯王子」好可能係由A貨扮嘅都唔定，因為A貨威廉王子同A貨凱蒂都曾經影過唔少現實中唔會發生嘅場面，例如公開一齊浸浴嘅相。