合和太子爺胡文新舊愛、38歲的劉晨芝本月13日凌晨在中環夜店消遣時，因為過枱跟一名男性友人打招呼，竟給對方的外籍女友連踢3腳，劉晨芝的下巴出現兩道傷口，血流如注，她當晚往報警，其後需到醫院縫10針。劉晨芝指出涉嫌踢傷她的是疑似Mandy Lieu師妹May Atkinson，她表示受傷後心理及工作都大受影響，決意追究到底。

劉晨芝本月15日有感下巴傷口疼痛和頸部不能轉動，她留院一晚接受治療，醫生檢查到下巴的兩個傷口內有血塊，要打開清洗再縫針，劉晨芝換醫生細心處理傷口，她今日往覆診後接受《蘋果》電話訪問時說：「醫生話如果唔係用刀都可以搞到傷口咁深，個力度一定係好大，醫生重新縫針，兩處傷口聯咗共30針，今日覆診，下周先拆線，醫生表示傷及肌肉，最少要6個月時間先徹底癒合。頸傷照咗MRI（磁力共振掃描），要做物理治療。」劉晨芝原本日內到美國拍攝大導演馬田史高西斯（Martin Scorsese）監製的電影，現在行程被打亂。

劉晨芝獲悉要半年才完全康服，她激動說：「要休息6個月，我心理受到好大影響，而家晚晚都瞓唔到，合埋眼就見到畀人襲擊，好有陰影。我唔明點解有人咁兇狠，而家去人多地方都驚，同人打招呼都驚。噚日去落口供，證供都講到我過去同個男仔講唔夠10秒，普通打一個招呼，我就畀人踢咗兩個咁大傷口。唔明當時點會冇人拉個女仔，佢男朋友都有責任，點解佢當時唔阻止，佢擋吓我都唔使畀佢踢咁多腳。我原定去荷李活開工，6個月做唔到嘢，肯定錯失好多機會，我真係想喊。」講到這裏，劉晨芝有點哽咽，她續說：「我啱啱睇到傷口都有疤，受傷後咁多日嚟，我食唔到嘢，瘦咗8磅。」劉晨芝透露警方下周安排她進行認人。

警察公共關係科就此案今日電郵回覆《蘋果》查詢：「中區警區刑事調查隊第八隊人員經調查後，於6月16日在中區拘捕一名25歲外籍女子，涉嫌傷人，她已獲准保釋候查，須於7月中旬向警方報到。」

-----------------------------

打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新