憑搞笑19禁綜藝節目《SNL Korea》打開知名度嘅31歲男諧星權赫秀，早前演出綜藝節目《我獨自生活》時被主持人笑指佢越嚟越肥，甚至權赫秀自己都係咁覺得，但坦言冇決心去減肥。

早於本月7號權赫秀現身韓片《惡女》VIP試映會時，全黑打扮嘅佢依然顯得圓潤，不過今日權赫秀任電台節目《朴明秀的電台騷》嘉賓時，就自爆自己減咗99磅，令網民及粉絲大感驚訝。

據權赫秀表示自己最重時達231磅，並提到自己嘅減肥秘訣：「據質量保存法則指，食嘢嘅份量要一樣，只需要改改食譜，雖然好食嘅嘢卡路里會好高，不過我都會照食。但食之前會先食番薯、雞胸肉、香蕉等打底，之後先食想食嘅嘢，而且唔好食到10成飽。」