08年參選香港先生入行嘅羅天宇，最出名嘅都算係喺《愛‧回家》當中飾演嘅馬子仁一角，感情方面，入行後同參選過港姐嘅湯洛雯拍拖，本來兩人都相當甜蜜，可惜喺今年3月，湯洛雯喺IG承認兩人已經分手。

而呢段情當中，仲曾經傳出過有第三者，被指介入兩人戀情嘅陳瀅當初雖然已經即時否認，但今日又有周刊爆出陳瀅同羅天宇已經暗撻半年，日前更相約周志文同劉佩玥一共四個人前後腳入場睇戲，陳瀅更提早半個鐘離場。

今日有傳媒向羅天宇求証係咪同陳瀅拍拖，羅天宇回應表示：「唔係，（目前單身？）係，Sorry，其他嘢唔回應喇。」

精選娛聞，喺晒《娛果》
http://fb.com/appledailyent