【本報訊】全國人大常委會昨日開會正式審議港版國安法，並將之前「外國和境外勢力干預香港特別行政區事務」罪名改成「勾結外國或者境外勢力危害國家安全」，不過律政司長鄭若驊被記者問到「勾結」的具體含意以及香港法律是否存有「勾結」時竟無法解答，稱「要睇吓佢（全國人大常委會）點樣寫，我先回答你其他問題」。

鄭若驊昨在立法會被記者問到「勾結」的具體含意時，推說「都係頭先睇到呢個新聞」，又稱「要睇吓佢（全國人大常委會）點樣再詳細有資料，我先至可以評論得。至於佢個『勾結』會點寫呢，我哋等吓佢，睇吓佢點樣寫，我先回答你其他問題，好唔好？」

稱難用香港法律對比

香港法律是否存在「勾結」一詞？鄭若驊同樣答不到：「好難就咁去對比，我諗譬如我哋有『串謀』，咁點樣係串謀啊？又同唔同勾結啊？所以好難、好難𠵱家去回答，可能係有一個錯誤或者唔完整嘅說法，睇多少少資料，知道佢係點樣，我再嘗試回答你吖，好唔好？」

對於全國人大常委會至今未有公佈港版國安法具體條文，港府是否覺得有需要在完成立法前先公開讓港人討論？鄭若驊稱，人大常委會一定按港版國安法制訂法律，亦會按照《基本法》和憲法條文行事，相信全國人大常委會在立法過程中，通過傳媒及其他渠道會聽到巿民的關注點。
■記者林俊謙