【新增內容及圖片】
韓國35歲女神全智賢今年6月宣佈再度懷孕，現時懷孕約5個多月，預產期喺明年1月。女神上周四陀住約5個月嘅肚喺韓國出席公開活動，當時佢刻意以外套遮肚。

雖然全智賢陀住B，但佢都會繼續工作，好似佢早前為代言嘅炸雞品牌就公開咗女神嘅最新廣告，女神着上醫生袍硬銷炸雞，而全智賢亦展示佢嘅食相，食炸雞食到啜晒手指兼嘟嘴，睇到女神食得咁滋味，真係令人都想食埋一份。

而另一版廣告，全智賢扮相似足「蘋果教主」一樣，以「炸雞教主」身份喺演講台上硬銷炸雞，而女神個造型亦相當特別，戴上金絲眼鏡、束起長髮，可見女神另一種魅力。

廣告片段連結： http://bit.ly/2wN6pmL