早前嚟香港嘅韓星徐仁國，原本首次襲港出席活動，點知又撞正佔領行動，搞到活動要取消，雖然好掃興，但係佢近日已經返咗韓國，準備為新劇《王的臉孔》開工。

由於呢部係古裝劇，所以有唔少武打場面，點知徐仁國日前練習武打動作時，同替身演員對打時，唔小心被對方整傷眼部，當時徐仁國已第一時間去到醫院接受治療，而劇集會於下月首播。

《王的臉孔》開拍之前已經鬧出唔少風波，電影《觀相》指劇集有抄襲之嫌，不過法庭就話唔涉抄襲，所以劇集最終亦順利開拍，就連《來自星星的你》個大奸角「載京」申成祿，都會加盟《王》劇，到時仲會同徐仁國上演一場爭女戲，唔知邊個最後贏得美人歸呢？