明日（8日）沙田跑11場泥草混合賽，留意頭場開跑時間係12點正，今次大部分騎師都在陣，雷神與潘頓兩大高手各自手執實力馬，騎師王無出其右。

全日馬膽最鍾意半冷門「好運」，雖然流鼻血復出，但由整個操練準備，睇得出大摩係操好至安排上陣，計卡士有權殺出重圍。

第二場四班1200米泥地，揀得落手馬唔多，「精英寶貝」韁口太重，要走得順而無馬鬥燒才跑得好，用潘明輝死磅太多。

「福喜多多」狀態長期見好，唔好介意試閘要騎，因為同組對手全部係高分馬。

「好運」雖然流完鼻血復出，但整個流程由休息時間，再慢慢踱步足一個月始開始快跳，期間兩課大閘認為打磨，睇得大摩落足心機，認為夠狀態才安排上陣。

本身泥地一再證明有根據，潘頓騎呢類有分頭馬，相信會特別醒神。

再數「龍城猛將」今季明顯有復甦走勢，但出閘失準係最大考慮因素，拖注無妨。

「喜勁驥」叫做四平八穩，前仗終於出頭，上仗演出少少反覆，回配雷神當然安心，但11檔有機會全程走三叠，要睇臨場形勢，計馬仍有些少上升空間。

--------------
曾犯天條必入「黑名單」？華將洋將結局大不同！想知咩事要睇【馬上看經典】
-------------
馬匹賽績、騎練數據、名家貼士
【最強贏錢武器 盡在蘋果馬網】刨馬撳呢度
------------------
【武漢肺炎】專頁 全民自救 抗疫資訊盡在《蘋果》