你問我今個夏天興乜Style，乜嘢係Mustbuyitem，我答案會係：唔知道！Sorry，唔好介意我作為一個記者乜都唔知，呢方面我真係無乜權威，我的答案唔會令你變成潮人，所以還是答唔知好啲。不過，以我這個潮流外行人，最重要的還是穩陣，即係上年興完、今年用番唔會Out、下年再用都唔會俾人笑，其中一樣就是波點（dotted）。

可能你會話唔係上年先興波點咩？無錯係，05年各大小Highendfashion都情迷波點，今年當然唔會再玩啦，不過我就死唔信一條漏網之魚都無，唔通真係全線玩白色同通花咩？講得咁大聲又理由多多其實都是因為自己鍾情波點，不過又明知波點對於我這類唔多可愛（你知啦，如果着件衫衫上的波點太小太多會好少女，太大又會好小鳳姐，好易出事嘛！）、年紀仲尚輕（比起三字頭）的邊緣少女，還是以Accessories為主要入貨項目吧。
這幾天，天文台都話會有雨，出街攞傘都要講究一下，否則寧願濕身好過，一把白色波點遮我不怕麻煩帶出街，仲會日日帶埋返工㖭，多謝晒！