巴塞隆拿新一季由前畢爾包教練華維迪接任教練，佢同前任教練安歷基嘅最大分別係重視青訓產品，可以預期巴塞來季用番更多青訓兵之餘，仲傳出華維迪有意回購愛華頓翼鋒迪路菲路，作為加盟巴塞第一簽。巴塞迷等緊嘅阿仙奴右閘比利連，睇嚟等多一等。

23歲嘅迪路菲爾宜家就代表緊西班牙出戰U21歐國盃，其實佢係巴塞青訓，2011年提升至一隊；但上陣機會唔多，2015年被愛華頓賣斷，今年就曾經外借至AC米蘭。不過巴塞同愛華頓有回購條款，巴塞只要付出1050萬鎊（約1億港元）就可以買番佢，睇嚟成事機會都好大。

另外，巴塞收購比利連都好有誠意，願意以中場拉芬拿艾簡達拿作為交易條件之一，睇吓阿仙奴領隊雲格動唔動心。