【細粒妹嚟喇】黃芳雯順產誕6磅B女迎聖誕 成功湊「好」字
蘋果日報 2019/12/20 13:26
聖誕禮物囡囡黃芳雯
（FB圖片）
香港開電視主播黃芳雯日前還挺着巨肚出席活動，昨晚她已在社交網宣佈已「卸貨」，已有一子的她追女成功，湊成「好」字。黃芳雯在IG貼出囡囡相後留言：「Hello World!潘妹妹初嚟報到。雖然我好輕盈，但我勝在有包包面同頭髮多，仲有啲白裏透紅，媽咪話我好合作，光速出世。爸爸都讚我叻叻豬！不過我幾鍾意喊，個個睇我，我都係crying mode，爸爸抱我都忍唔住要呵我，趕得切聖誕節前出世，可以同哥哥一齊歡度佳節，仲係媽咪今年最大份嘅聖誕禮物。」
《蘋果》今日致電黃芳雯，她表示囡囡昨晚順產出世，重約6磅，她說：「今次BB比較輕磅，剛好約6磅，BB唔係好吸收，佢同哥哥size爭幾遠，因為佢『細粒』，我好快生咗佢出嚟，6點半、7點入院，未夠10點生咗佢出嚟，我開度數開得好快，突然生得。雖然醫生都喺醫院 不過剛好佢行開咗，姑娘叫我等埋醫生先好畀力生出嚟，老公全程陪我，佢都好開心。因為上一胎，我係馬拉松式生哥哥。我生完呢胎好精神，好肚餓，順產真係好正，行動自如，又即刻食到飯。哥哥知道仲立即嚟睇妹妹，佢隔住玻璃見到妹妹喊，哥哥佢話唔准喊，好有哥哥風範。」
（FB圖片）
哥哥隔着玻璃叫妹妹不要喊。（FB圖片）
升呢哥哥。（FB圖片）
黃芳雯一家三口多了新成員。（FB圖片）
黃芳雯昨晚順產誕囡囡。（FB圖片）