若然大家覺得蔡約翰旗下馬襟跑襟操，徐雨石呢方面功力絕對不遑多讓，安排馬匹跑得多大部分練馬師都能做到，但要做到密密跑而到時到候又能交番出表現，卻並非每個練馬師均有呢份能耐。

上周三（6日）晚徐廐「靚紫荊」贏到你唔信正係活生生例子，再看看5月中那一期谷草夜賽徐雨石贏四場，反映季尾階段此廐攻勢並未放緩，惟大前提當然要馬匹評分上有游動空間。

後晚（13日）谷草徐廐跟平日一樣出馬多，當中，第七場「亞馬寶寶」及第六場「雷公鑿」恰恰具備上述條件。

「亞馬寶寶」已係季內第16戰，剛仗評分回至84分即又交出表現，賽後雖加兩分，但與季初谷草同程僅輸給「一道」入Q時的91分比較，仍有上升空間。

同場雖有明星馬「旺蝦王」在陣，但「亞馬寶寶」受讓15磅兼谷草經驗較豐富，絕對有偷襲能力。