當年今日
關於我們

黑工送外賣|黑工搶盡短途單 港人「車手」月入減半

蘋果日報 2021/03/19 06:01

黑工難民戶戶送外賣員

黑工爭食搶飯碗,令「攞正牌」的港人外送員叫苦連天。印度裔的Gary是土生土長香港人,原本從事Uber司機,3年前加入「戶戶送」任電單車外送員,高峰期月入4、5萬元,足夠養活一家,惟近期黑工大舉殺入令他收入減半,「依家搵2萬都要做十幾個鐘先搵到」。
「戶戶送」在港有7,000多名外送員,當中近6成為電單車手、約1成為單車手及約3成為步兵,其接單價格分別為約37元、25元及21元。每張單價根據距離有所調整,但相差不大。若外送員的接單率達8成以上,會另有3成加乘獎金。
Gary得知,由於黑工無車牌,平時不是步兵就是踩單車,每當分派到俗稱「遠單」的長途單,黑工就會「踢單」拒接。「踩單車嘅黑工根本送唔到上山同遠程嘅車手單,咁佢哋會放棄維持8成接單率,不斷踢單,變相成為不收獎金嘅廉價勞工。」
相反,港人外送員為保持8成接單率獲取獎金,便要「硬食」長途單,變相每張單需用更多時間及油錢送餐,令接單量下降,收入大減,「依家我哋做10單先有1個近單,以前10單有4至5個都會係近單」。與黑工份屬同鄉的他亦大感不滿:「佢哋依家做緊我哋啲嘢,咁我哋做乜啫?」
empty
有「攞正牌」的外送員近數月收入大跌,更要「硬食」長途單,令每日接單量大減。
4年前加入「戶戶送」的港人Don指,近數月收入大減3成,「之前我喺最旺時間一鐘頭可以做5至6單。依家好lucky嘅話,一個鐘頭最旺做到3單。」Don由步兵做起,眼見車手收入更為豐厚,於是考取電單車牌,2年前轉任車手,高峰期月入5萬多元。可惜好景不常,自去年疫情爆發,除了黑工外,大批失業大軍湧入爭食,其後連一般打工仔亦入行分一杯羹。
Don坦言,「戶戶送」現行的自由登入政策,免於旗下外賣員報更及按更份開工,因此吸引不少打工仔在工餘時間兼任外賣員。他認為攞正牌外送員的處境愈來愈艱難,「真係好難,試過3、4個鐘頭做得一單。本身你係唔會知道嗰幾個鐘只係得一單咁就坐喺度等。」
據知情外送員透露,黑工搶食問題日趨嚴重,「每日都有新面孔」,在無可奈何下,不少外送員已向「戶戶送」反映,惟只聽聞處理過少數個案,情況未有改善。他認為「戶戶送」不清理門戶,全因黑工狂踢「遠單」,卻密做「短單」,其公司便可坐享漁人之利,「佢哋(黑工)唔攞獎金,嗰啲錢咪戶戶送擺喺自己袋」。
empty
「戶戶送」外送員主要分為步兵和車手,其中以電單車手賬戶的單價最高,每張約37元。
-----------------------------
你敢爆,我敢獎! 立即Signal 63836568、WhatsApp 《蘋果》24小時爆相爆片熱線
或致電:63836568
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁