譚詠麟嘅《銀河歲月40載演唱會》，噚晚就喺紅館舉行第二場，仲請咗李克勤嚟做嘉賓，兩個喺台上大放不文笑彈，阿倫就同克勸話：「有朋友問左麟右李係咪真係住隔籬，我話唔得㗎，咁我出門口見到你就會講：『左麟……』」克勤抵死答：「左麟住……」阿倫指着克勤陰陰笑，克勤話：「我點敢講呀，連你都唔敢講，我點敢講！」

克勤又爆阿倫打羽毛球有專用戰衣，就係著原子褲打波，阿倫哈哈大笑：「好現代化嘅，其實嗰次冇帶着喺出面嘅波褲，惟有只着裏面囉。」克勤仲話：「佢仲問我介唔介意喎，我男人之家點介意啫。」阿倫答：「我驚你太太介意，不過我打緊波嘅時候冇傷害性嘅。」全場爆笑。