眾所周知,愛馬仕係華置(127)前主席劉鑾雄(大劉)嘅愛牌,華華上前去問周凱旋喺咪粉絲,周凱旋即刻耍手擰頭,話只係幫人買禮物,隨即打開個袋show畀華華睇,指份份禮物都貼晒label,記低顏色,以證明係送禮之用。佢仲企定定一下,做手勢掃一掃自己全身,意指佢一身都冇乜行頭,證明堅唔係自用嘅。
其實大家都知周凱旋向來低調,不時以修身黑、灰套裝示人,一頭短捲髮配貝殼形耳環就係佢嘅標誌。喺黑衣人眾多嘅PP,真係撞到都未必認得,都話佢係漆黑中嘅螢火蟲㗎喇。
最後,周凱旋跟華華講拜拜,就會合門口兩名外籍保鑣哥哥走人了。