有線寬頻職員「冇交帶」，累一上網用戶白花一日在家等候技師上門檢查，最後才致電用戶取消，用戶白費一日在家等候。

請假在家等候
有線寬頻上網用戶何先生稱，上月一日發現電腦不能上網，多次致電有線寬頻要求派員維修，但留言後未有回覆。「我等咗成五日都上唔到網，但錢又照扣喎！最令我激氣嘅，係一連幾日打咗二十次電話，留埋電話號碼都冇人覆我。」
其後，他多次致電有線寬頻熱線，終能接通，職員承諾派員上門檢查，當日他請假在家等候，最後竟收到職員來電，表示已取消其維修柯打，令他更感不滿。「我好辛苦先打得通電話，請埋假喺屋企等佢哋職員嚟，點知臨時先通知我唔嚟，嘥晒我啲時間！」
有線寬頻回覆本報查詢時表示，經調查後，發現因外圍訊號出現故障，令何先生未能上網，故職員毋須入屋檢查。現其上網服務已回復正常。
（一二一四一一七）

服務熱線
電話：29908288
傳真：23702192
電郵：[email protected]