既然知道PSVitaTV有最新水機到港，當然要試一試Game。PSVitaTV非常小巧之餘，設定亦簡單，只需接駁HDMI、電源及LAN線即可玩。開機相當快速，介面跟PSVita一樣，而上網亦見迅速。但下載遊戲方面，PSVitaTV暫時只支援用日本PSN戶口，而插卡玩Game亦未能支援所有遊戲。

PSVita年尾大作之一《GodEater2》，就係可以完全支援及暢順操作的遊戲之一，甚至比日本還早一日玩到呀。開Game，LoadGame，片頭動畫都相當暢順，到遊戲操作，動作及戰鬥畫面亦相當不俗，雖有少許偷格情況，輸出亦最多只支援1080i，畫質當然不能跟PS4同日而喻，但以8百幾蚊身價來說絕對可接受，加上可在大電視玩PSVita遊戲及瀏覽網頁，他日亦可與PS4連動，玩法實有創意。