韓國人氣育兒節目《超人回來了》，於2013年9月試播後大受歡迎，並於同年11月成為正規綜藝節目，捧紅唔少小朋友如「得意妹」秋小愛、「國民三胞胎」大韓、民國、萬歲、大發BB等，帶挈攜小朋友演出節目嘅一眾老竇都人氣急升。

主持人李輝才由節目試播時已帶住一對雙胞胎囝囝書言、書俊演出，試播當時書言、書俊僅4個月大，而書言、書俊將於後日踏入5歲，觀眾可謂睇住一對孖仔長大。點知今日韓國就有壞消息，指李輝才一家將會退出節目，並已經於上周完成最後一集嘅拍攝工作，而書言、書俊及老竇將於下月初播出嘅節目中作最後一次亮相，令觀眾大感不捨。

對於李輝才一家退出節目嘅報道，《超人回來了》方面亦回應係事實，並由韓劇《Return》36歲男星奉太奎攜囝囝加盟節目。

更多韓流，喺晒《娛果》
http://fb.com/appledailyent