兩個月前歐聯16強抽籤，分組賽僅以次名出線嘅阿仙奴抽中摩納哥，仲以為係靚籤，有機會打破近年入唔到8強嘅紀錄。點知首回合喺主場輸1:3，形勢處於極度下風，次回合要淨勝3球先可以翻身。

失3粒，後防當然畀球迷鬧啦，但前線被寄予厚望嘅法籍神鋒基奧特先係眾矢之的。呢位銀河唯一，今場六腳射門竟然無一腳中龍，仲要有空門都唔入，用右腳射咗上看台。如果基奧特把握力好啲，甚至只係隻右腳冇咁弱，戰局都可能會差好遠，起馬唔使次回合要追3球咁辛苦先。雲格之前仲話想基奧特學吓迪亞高哥斯達，真係笑大人個口。

雖然踢完首回合形勢咁差，但仍然有球迷覺得，阿仙奴未絕望嘅，話晒兩年前，阿仙奴遇上拜仁慕尼黑，首回合都係同樣輸1:3，次回合都贏返對手2:0，只係輸作客入球出局。今次對手摩納哥實力無拜仁咁高，所以有機會入3球反勝喎。萬一阿仙奴再次16強出局，就會已經係連續第五年16強出局㗎喇！

↓基奧特失機片段↓
http://bit.ly/1AN3Caw