何韻詩危機感每日伴隨 擔心幾時會俾人拉

蘋果日報 2020/12/27 17:42

何韻詩香港行山港版國安法
    何韻詩是社會運動的忠堅份子，最近被不少好朋友勸喻離開香港，不過阿詩仍然選擇繼續留低。阿詩最近經常約朋友一齊行山，在facebook留言大讚香港真是好靚，笑言：「喺未被呢個低能政府毀滅之前，大家快啲去感受吓啦。」
    「港版國安法」實施後，阿詩直言危機感每日都伴隨着她：「壞時候帶嚟嘅其中一個positive，係令你突然更加乘十地在意你身邊嘅好事情。今年之黐線，可謂前所未見。自從七月國安法後，大家都生活喺各種不安當中。友人逐一離開，走同留都有各種挑戰要面對。到底幾時會有人上門、幾時會俾人拉，危機感每日都伴隨住自己。正確嚟講唔算係恐懼，但心中約莫有數，一種好古怪嘅居安（……？）思危。但正因為有呢種極度不確定，更加令自己珍惜每一刻仍可以同家人朋友相聚嘅時候。」
    過去的聖誕節，阿詩經常都會跟朋友出外旅行或做騷，但疫情大家都冇得周圍去，阿詩便帶朋友去行山，反而是另一種樂趣：「最近開始帶佢哋去行山，有時亦會相約朋友，山上共同進退。能夠喺最普通嘅日常，強烈地感受到每一刻時光嘅珍貴，呢個感覺從未試過，好神奇，係最大的blessing。」邁向2021新一年，阿詩自言不求好或壞，只願「在新一年當中的各種新挑戰，能令你我成長多一些、堅壯多一些、互相珍惜多一些。世界各地嘅大家，好好保重」。
    empty
    何韻詩與友人行山，都保持適當社交距離。（IG圖片）
    empty
    何韻詩大讚香港真係好靚。（IG圖片）
    empty
    何韻詩心中有不確定的感覺，令她更珍惜每一刻仍可以同家人朋友相會嘅時候。（IG圖片）
    empty
    何韻詩決定留在香港。（IG圖片）
    empty
    香港真係好靚（IG圖片）
    empty
    何韻詩閒時會下棋。（IG圖片）
    empty
    還會繼續創作音樂（IG圖片）
    -----------------------------
    《蘋果》英文版免費試睇：了解更多
    英文版已登錄《蘋果》App，立即下載/ 更新：iOS / Android
    -----------------------------
    支持蘋果深度報道，深入社區，踢爆權貴，即Like蘋果專題及調查組FB專頁！