已於昨日在港上映的《美國隊長3》，前晚在旺角舉行首映，鄭中基和太太余思敏拍拖到場，早前中基在ViuTV節目《晚吹─真PK》指最差的歌是古天樂（古仔）主唱的《今期流行》，他對此說：「其實我覺得首歌唔啱佢唱啫，因為如果我係監製就唔會搵佢唱快歌，因為佢把聲係屬於低沉，同跳舞好唔夾，應該要唱啲情深啲同中低音嘅歌。」中基今年開演唱會古仔會否做表演嘉賓呢？他說：「如果佢肯嘅就上嚟跳舞啦，跳《今期流行》啦，我就唔跳舞嘅。」被問到怕不怕古仔嬲？他笑說：「咁又唔會嘅，我都係𢱑個監製嚟做啫。」
姜皓文（黑仔）和太太金慧英到場，早前黑仔為了角色減磅減上癮，但金慧英表示接受不到老公以前的樣子，黑仔笑說：「佢成日話覺得男人係應該有籮柚嘅，瞓覺嗰時仲成日摸我，叫我唔好再咁瘦。」
採訪：黃曉妍
攝影：沈健程