徐淑敏（Suki）與前工程師男友黃重生分手後，經常夜蒲驅寂寥，繼早前被本報發現她與宋熙年前男友Jason夜蒲蘭桂坊後，前晚Suki又到中環蒲吧，為男性友人慶祝生日，其間壽星仔對Suki苦纏不休，捉實她雙手不讓她離開，認真熱情。
憑33C上圍獲封「咪神」的Suki，早前表示為免給朋友帶來不便，會減少夜蒲，但前晚記者又在中環的ArmaniBar發現她的芳蹤。前晚11時許，Suki現身為一男性朋友慶祝生日，當壽星仔踏正凌晨12時唱生日歌及與Suki等人合照後，Suki與女性友人欲閃身離場，但被壽星仔發現，隨即拉住Suki不放，她笑笑口表現得有點尷尬，然後欲轉身離開，但被壽星仔捉住雙手不放，幾經糾纏後才成功甩身，與一男性友人及兩位女性朋友離開。Suki離開時有點腳步浮浮，似乎飲了不少。

「拍拖隨緣啦」

Suki連番被拍得夜蒲，她昨日在電話中否認是愛蒲一族，她說：「係我一個識咗10年嘅中學同學生日，佢兩個月前就約我，所以唔好意思推，我咪去咗一陣，其實我覺得呢啲係正常社交，冇乜問題。」問到Suki可有給壽星仔送上禮物？她說：「一支香檳。」
問Suki是否想趁夜蒲盡快結識新男友？她說：「我平日都會約吓朋友食飯同飲嘢，至於拍拖啲嘢，隨緣啦。」
採訪、攝影：朱志聰