【韓流】T.O.P封年度是非藝人 劉亞仁向網民宣戰
朴有天劉亞仁T.O.P
早前韓國網民選出「2017年是非藝人」,當中天團BIGBANG成員T.O.P、韓劇《六龍飛天》男星劉亞仁及男團JYJ成員朴有天就被選為Top 3。
於網民投票中,T.O.P以10.8%封「2017年是非藝人」榜首。T.O.P 6月時被爆曾跟練習生前女友韓瑞希於寓所內吸食大麻,被判10個月有期徒刑,緩刑兩年執行及罰款12,000韓圜(約84港元),而本身以義警身份當兵嘅T.O.P,亦因為大麻案而被革職。
劉亞仁就以9.4%排第二名,患骨瘤嘅佢遭外界質疑逃兵役,令劉亞仁形象跌至谷底,不過劉亞仁一向大情大性,近日更於社交網站跟網民展開罵戰,有心理醫生認為劉亞仁患躁狂症。
去年捲入涉性侵案嘅朴有天,就以8.1%排名第三。朴有天今年被爆跟南陽乳業家族外孫女黃荷娜戀情及婚訊,黃荷娜亦係是非人物,不時跟網民展開罵戰,同時拖累朴有天形象。
另外,劉亞仁噚日於twitter留言:「係唔係想要繼續?我由今日開始結束所有嘅體貼照顧,向網上恐怖主義及其幫助者全面宣戰。道歉?應該係你哋向我及國民道歉。」之後又於網上公開為自己打氣嘅網民留言,感謝網民支持。
更多韓流,喺晒《娛果》
http://fb.com/appledailyent
朴有天公開跟黃荷娜嘅戀情後,二人嘅一舉一動立即成為網民焦點。