林志玲（Chiling）今日以大使身份現身銅鑼灣，拍攝名為《還來得及再愛你》嘅短片，Chiling呼籲女性要每日進行胸部檢查，不過佢今日只肯隔空為女模示範按胸手勢，佢話：「我怕攝影師會拍得太快樂，所以不敢摸。」

Chiling透露平日會施「魔掌」為女友人檢查，佢仲自爆：「 我每天都會花六分鐘，檢查自己的胸部 。」當講到假胸問題，Chiling就有以下見解：「 人工胸部跟異常硬塊很難分，我不建議做隆乳 。」

早前有傳佢同男友邱士楷分手，Chiling再被追問感情狀況時，佢一再強調：「 沒有男朋友 。」咁係咪已經分手？Chiling就話：「每次來你們都問，我現在是單身，選擇中。」佢仲搞笑話掉轉頭去追男仔，係真唔係呀？


「第八屆金話梅電影選舉」又嚟喇。今年除港產片有獎攞，仲增設「最爛合拍片」獎。栢芝憑四套電影入圍「最爛女主角」，應該冇得輸。大家快快投票啦，結果將於4月12日在《蘋果》娛樂版揭曉。
 
公投網址： http://facebook.com/AppleDailyGoldenPlum