俗語有話「要付出先有收獲」，好似《繼承者們》男星金宇彬咁，大家都知佢係由一個model變身成為演員，0依家仲成為咗風靡萬千少女嘅韓流新四大天王之一添！

唔講唔知，其實金宇彬由學生時期，已經為今日嘅夢想努力喇！日前一個曾經喺高中時期教過金宇彬嘅老師，就喺網上面公開咗當年金宇彬親手寫俾佢嘅信，當時嘅金宇彬仲係用緊真名金賢中0架。

當年金宇彬喺信中就向老師提到為咗將來成為model要努力咁增磅、學英文等等，完全睇得出佢為今日嘅成功付出咗幾多。

該名老師話：「過咗一年又一年，心入面更加肯定金宇彬得到成功。從來都冇見過好似金宇彬咁努力，堅持嘅model。」佢仲以金宇彬做例子，叫大家為自己嘅夢想努力！