今年TEDxKowloon邀來唔喜歡行舊路的猛人現身說法，腦筋經常急轉彎的王維基，喺廣告界好得交關的曾錦強，都是框跌落來跨出去的表表者。2016年3月20日，記住呢18分鐘，可能影響你一生。

王維基：咪同我講加油，我好難受！
講者之一的「魔童」王維基，由自認乞人憎的沙塵友，到今天市民爭相跟他自拍，箇中經歷，無論聽幾多個18分鐘，都永遠只得佢感受到切膚之痛與荒謬。他自嘲：「到時我會講呢幾年的慘痛經歷，即使講得不好，冇表演分，都有同情分。大家行過唔好再同我講加油，我好難受，我想放棄㗎，你同我講加油，咁我應該點？」叫人加油有時都是種壓力。「係㗎，不過老實講我心深深處都真係開心。」敢言的他天不怕地不怕，不理世俗期望，令他有空間thinkbig。「盡諗，有咁大得咁大，一定要諗得大。你看愛因斯坦，看他的髮型，所有具創意、會思考的人都是一副『我不會理你的態度』。」

曾錦強：我有更「變態」福利方案！
主張跟員工分享成果的廣告集團TheBeesGroupCEO曾錦強，同樣喜歡走出框框，幾年前放棄全港最大廣告集團CEO一職，寧願創業做老闆，其公司變態到生日放兩日、買書看戲入公司數、$3,000睇騷津貼、OT錢冇上限，聞者心心聽者葡萄。他們公司還有三三三分紅制。「公司由出錢的股東與出力的員工組成，要一視同仁。其實咁樣做，公司仲賺多咗錢。」很多人都不明白對員工好，其實也是投放資源的方式。「其實都唔係好變態，我有個方案更變態，係公司付錢請員工爸媽去旅行，我覺得越多人想公司成功，公司最後就會成功，我想做到令同事家人都很想公司成功。」可惜最後因合伙人覺得銀碼太大，擱下計劃，但他認為其實公司可以負擔。很多老闆「領導」、「督導」不分，這個非一般老闆，不用常規管人手，「世界充滿選擇，可以隨住內心的呼喚去做。」演講時他會用自身的創業故事，來證明世界有無限可能。

TEDxKowloon
日期：3月20日
地點：中環鴨巴甸街35號元創方2樓
票價：$380、$480

記者：葉青霞