【需要有人保護】跌到對腳瘀晒 麥明詩:我已經習慣啲傷患
弄傷右腳麥明詩
麥明詩昨晚在將軍澳為汪阿姐的節目錄影,正當大家開開心心準備埋位之際,其間發生小插曲,麥明詩在化妝間跣了一跣,結果意外弄傷右腳,最後要勞煩保安到場為她包紮,幸好傷勢不算嚴重,麥明詩可以繼續錄影。
事後麥明詩笑說:「其實我真係好遴迍,需要人喺側邊保護。前幾日去學滑水已經整親,啱啱着住高踭鞋又唔小心拗柴,冇乜嘢,我已經習慣啲傷患,我對腳已經瘀晒,一陣返屋企叫阿哥幫我望吓,佢通常話冇乜嘢,過幾日會自己好番!」
談到日前新一屆港姐剛進行面試,麥明詩表示有留意:「呢啲都係娛樂圈嘅盛事,我記得有一個話係狀元,有啲人喺留言度tag咗我,話佢成績幾好。」不過這位尖子曾樂怡被笑稱打扮似大媽,追問有否看過對方的外表,麥明詩說:「咁先有潛質可以改善,我自己睇番都覺得幾年前同而家都好大分別,我讀書嗰陣都係專注喺學業而唔識得打份,不過參選港姐可能都係一個好好學習打扮嘅地方。」
-----------------------------
7月4日起 《蘋果動新聞》只限升級壹會員閱覽
繼續撐蘋果!