唔少小朋友都會有隻公仔陪伴成長，除咗人形娃娃多人揀，相信熊啤啤公仔都係頭三位之一。2016年剛過90大壽嘅經典熊仔代表小熊維尼，原來昨日（1月18日）正正係其紀念日！不過就唔係維尼生日，而係作者 Alan Alexander Milne嘅生日至真。

英國作家 Alan Alexander Milne喺1926年創作出《小熊維尼》（Winnie-the-Pooh）童書，以兒子Christopher Robin嘅小熊公仔為藍本寫出一系列故事，連仔仔都有份出場。雖然作者喺1956年離世，但《小熊維尼》系列亦有授權不同作家寫出續集故事，上年推出新書《The Best Bear In All The World 》時，更有新角色小企鵝（Penguin）亮相，果然歷久不衰！

為紀念國際小熊維尼日，迪士尼更刊出參考專畫小熊維尼的插畫家E.H. Shepard風格的新畫作，向經典致敬。

記者：黃樂雯