由韓國神劇《太陽的後裔》金牌編劇金恩淑執筆、李秉憲及金泰璃主演嘅tvN劇集《陽光先生》(Mr. Sunshine)，將於今晚及明晚播出第23、第24集大結局，港劇迷可於周六、日晚10時30分透過Netflix追劇。

臨近結局，《陽光先生》嘅情節越發緊湊，劇情講到日軍逐漸掌握朝鮮，而榮光賓館付之一炬，似乎象徵係朝鮮岌岌可危嘅情勢。而劇組今日公開嘅預告可見，雖然朝鮮已去到水深火熱嘅地步，但金泰璃仍堅持想盡最後一分力去拯救國家，李秉憲就算覺得自己被對方利用，仍然去保護金泰璃。而九死一生嘅柳演錫，重返朝鮮後又再遇上危險，唔通預告柳演錫最後都係要死？

另外，劇組又公開咗幕後花絮短片，只見金泰璃拍攝時一度發呆，隨即突然被槍聲嚇咗一跳，相當可愛，而柳演錫私下原來相當搞鬼，不時逗笑金敏貞，令劇迷大咪兩人好襯。

精選韓流，喺晒《娛果》
http://fb.com/appledailyent