當年今日

寫真+自傳出版在即甚緊張
古仔為做作家唔去夜街

蘋果日報 2002/07/27 00:00


古天樂早前在本報寫完「七日星語」專欄後,即被台灣出版社邀請他出自傳加寫真,並於下月尾推出。古仔為了努力在家中寫書,幾乎完全不去夜街,即使在上海拍戲期間,一收工亦即時投入寫自傳。
古天樂早前在本報寫了「七日星語」專欄後,被台灣出版社睇中,覺得他十分之敢言,因此邀請他出版自傳,講述有關自己的經歷,雙方在接觸之後,古仔亦很有興趣,很快就達成協議。

預計下月推出
古仔的這本文字寫真,個多月前開始籌備,現時已經全部寫好,預計在下月底推出,而出版商方面,亦專程去上海替古仔影了一輯相,所以書內除了有古仔親自執筆的內容外,亦會有古仔的相片,製成一本自傳加寫真集。
在書中古仔除深入講及有關自己的家庭、感情、朋友和事業外,當年他入獄的日子,亦會詳細講述,古仔日前接受本報電話訪問時說:「我喺報紙寫完專欄之後,收到好多讀者嘅電郵同埋來信,佢哋話估唔到我咁敢講嘢,其實我自己係個唔係太鍾意講嘢嘅人,但寫完專欄,對於寫嘢好有興趣,我出書都係想令到fans更加了解自己。」

希望Fans支持
古仔搬屋之後,甚少去夜街,大部份時間留在家中,更努力不停寫書,而在上海拍電影《河東獅吼》期間,收工後亦躲在酒店房寫書,他說:「我第一次出書,既緊張亦好興奮,希望有市場,有多啲fans支持啦!」