溏心鮑魚是指鮑魚中間有如皮蛋般的溏心效果，只要烹調得啱就做得到，不過要選對鮑魚才可事半功倍。 日本吉品鮑來自日本吉濱，味道香可做到溏心效果，形狀似元寶，中間有條線是其標誌。中東鮑亦可做到溏心效果，味道清淡，較薄身易煮腍。南非鮑雖有鮑魚味，但溏心效果不及中東鮑魚，勝在價錢平較抵食，這種鮑魚最容易被人用來充當日本吉品鮑。買鮑魚時要認清產地，日本鮑的腳及裙邊較短；南非鮑樣子雖有點似，但裙邊的腳較長身，中東的則較幼邊。 查詢：25480153（恒興行）

鮑魚浸水一天，其間換兩次水。燒滾一鍋水放入鮑魚煲30分鐘，熄火焗至水凍，在底部尖端把腸搣走便成。