馬鞍山薈朗今日賣樓，居民胡先生於薈朗3輪賣樓都有入飛抽，到今日第三輪佢成功抽到一號頭籌，揀咗間開放式單位上車，「買到樓開心過一號籌」。

佢話之前有留意同區二手物業，但薈朗始終都係新樓，價錢都叫正常價，所以就算薈朗第3輪單位貴過首批都決定扑槌入市。間開放式單位面積得200零呎，斥資約300萬元，胡生話「一、兩個人住都叫夠住。」

記者：陳東陽