黃偉文（Wyman）前晚在中環出席時裝活動，問到老友徐濠縈在網上貼了黃浩相，結果引來罵戰，他說：「佢不嬲幾直接，今次有啲衝動。我好信阿徐同Josie（何超儀），我同佢哋食過一億餐飯，如果佢哋有咁嘅癮，好難未見過囉。」Wyman更寸黃浩：「要達到黃生講咁嘅效果（指在餐廳吸毒），係要好蠢，我信我朋友唔會做壞事，我信朋友品格同智慧，唔係咁蠢嘅人。」
Wyman更指一年前已聽阿徐呻被餐廳亂收多錢，他說：「鬧得好唔開心，我都擔心有人報復，世界上有人心地差！」指黃浩還是偷片員工？Wyman說：「員工係邊個，暫時都冇人知，我就唔會唔妥個員工囉。」

Eric盼水落石出

此外，郭偉亮（Eric Kwok）前晚出席音樂頒獎禮，對於黃浩報警稱被藝人恐嚇，Eric說：「好呀！快啲搞掂佢。」被問到黃浩被爆攬女，他說：「呢啲派對佢去得多過我啦，雜誌成日攞呢啲做封面。」他直言希望盡快查清事件，是否想還自己清白？他說：「我知我係清白，唔使擔心。唔使有人出嚟講唔係真嘅嘢影響人哋，起碼有個有公信力嘅中間人（警方）。」他又澄清太太葉佩雯與張栢芝沒不和。
採訪：李珮洳、梁錦雯
攝影：陳順禎